Love Bombing


Ugu horrayn Love bombing ku waa farsamo ay isticmaalaan dadka dareenka dadka ka ganacsada. Qof aad hadda is barateen ayaa ku dareensiinaya jacayl xad dhaaf ah, ammaan faro badan iyo hadiyado hor dhac ah, kuwaas oo qalbigaaga u jiidaya dhanka qofka taatikadaan isticmaalaya. 

Sidee la gu gartaa in Love Bombing la gugu samaynayo?

1. Ammaan xad dhaaf ah iyo ka bad-badin: Waxa ay ku dareensiinayaan sida in aad tahay qofka keli ah ee dunida ku dul nool, in aad tahay jacaylkoodii koowaad, sidoo kalana dareenka ay hadda ku gu dareemayaan aysan horay u arag.

2. Xiriir joogto ah: İnkasta oo in la wada xiriiro fiican tahay, haddana waxaa fiican in dadku qaataan waqti ku filan si’ay isu bartaan. Qofka farsamadaan adeegsanaya waxaa la gu gartaa in uu maalintii dhawr jeer ama ka badan ku soo waco sidoo kalana attention badan ku siiyo, farriimo badan oo farxad iyo jacayl ahna daqiiqad walba kula wadaago.

3. Hadiyado waawayn oo hor dhac ah iyo Jacayl qirasho deg deg ah: in uu qofku ku siiyo hadiyado qaali ah idinka oo hadda is bartay sidoo kalana uu kuu qirto jacayl xad dhaaf ah in uu kuu qabo waa mid kamid ah calaamadaha ugu waawayn re la gu garto in love bombing la gugu samaynayo.

4. İn ay ku deg-degaan in xiriirku magac yeesho: Waxa ay ku gu cadaadinayaan in aad si deg-deg ah xiriirka idinka dhaxeeya magac ugu samaysaan. Dhaqankeenna Soomaalida waxa ay ku deg-degaan in ay arrimo guur kaala hadlaan si’ay niyadaada u galiyaan in hadafkoodu fog yahay.

Ujeedada Dahsoon: Ujeedka u wayn ee qofka sidaan samaynaya uu ka leeyahay, waa in uu ku hanto kuguna abuuro jacayl afka baarkiisa ah, halisna ay tahay qofka aan ku baraarugsanayn in uu dabinkaas ku dhaco. Daqiiqadda ay dareemaan in ay hadafkoodii gaareen, diiradaadana ay hanteen jawigu waa is baddalayaa. Wicitaankii waa yaraanayaa, sidoo kalana waxaa macquul ah in ay dareen ahaan/caadifad ahaan kuu abuse gareeyaan. 

Sidee isaga ilaalin kartaa? 

1. Waqti Qaado: Xiriirka caafimaadka qaba si dabiici ah ayuu u kobcaa. Ha ku degdegin wax kasta oo u muuqda mid wanaagsan oo runta ka fog.

2. Xuduudo yeelo: Arag sida ay uga falceliyaan marka aad “maya” tiraahdo ama aad baahiyahaaga sheegto. U fiirso sida ay uga falceliyaan marka aad jacaylka deg-dega ah la wadi waydo.

3. Aamina Dareenkaaga: Haddii ay wax kuula muuqdaan kuwo khaldan, ku kalsoonow dareenkaaga oo ha moodin in aad is moodsiisay.

4. Kala Tali Asxaabtaada Ama Qoyskiina: Qof kuu dhow oo ku jira xiriir bilow ah una muuqda sheeko buug ama film ku jirta xasuusi in ay macquul tahay in dareenkooda la gu ciyaarayo. 

Xusuusnow, jacaylka dhabta ah waa mid joogto ah, ixtiraam leh, oo deggan. Uma baahna in la xad dhaafiyo si loo caddeeyo qiimihiisa. Haddii aad ka shakiso in lagugu sameynayo love bombing, dib u istaag oo dib u qiimee xiriirka.

Maxaad ka qabtaa love bombing? Ma kugu dhacday waayo-aragnimo sidaan oo kale ah?





Comments

  1. Osman KhalifJanuary 17, 2025 at 9:49 AM

    Waxaad isoo xasuusisay, buuga Ego is enemy. Thanks caaneey

    ReplyDelete

Post a Comment

Popular posts from this blog

QORRAX MADOOBAAD

Image
Qorraxdii baa madoobaatay dhulkii baa mugdiyoobay. Qof walbaa waxa uu u cararay wixii uu aaminsanaa. Kii muslin ahaa, aayado quraan ah iyo salaad buu tawakulay. kii kiristan ahaana kaniisadda ayuu miciin biday. Hooyadii ilmaheeda dhallaanka ah dhabta ku haysatay waxa ay gargaar bidday duco ay afka ku boobtay. Wax walbaa waxa ay galeen xaalad hubanti la’aan ah marka la ga reebo xaalka Magan.  Waxa uu si qummaati ah u cabbayaa koobkiisa qaxwaha ah. Dadkii agagaarkiisa joogay waa ay kala cararayaan, isaga oo aan kala jeclayn in dunidu hadda dhammaato iyo in ay sii jirto ayuu xabbad sigaar ah jeebka kala soo baxayaa. “Tolow haddii hadda koonka la laabo ka warran?” Ayuu isa su’aalayaa. Isla isaga ayaa isu jawaabaya. “Oo maxaa iga dhex yaalla oo aan labadaydaas calal ee aan huwanahay ahayn?” “Miyaadan aakhiro ka baqayn, nin u shaqaystayna kuguma ogiye?” “Waxa aan ogahay in aysan xaalka aan maanta ku jiro marna ka xumaanayn.”  Sharqartii ayaa kala yaraatay, isaga iyo kursigii caagga ...
Read more

Awoodda filimada: iyo Sida ay u qaabeeyaan Bulshada.

Image
Filimadu waa sida muraayad oo kale, waxa ay ina tusaan xaqiiqooyin aad u xanuun badan, kuwaas oo laga yaabo in aan jeclaan lahayn in aan iska indho-tirno. Muuqaalkaan aan wada daawannay wuxuu xasuusin u yahay sida filimadu aysan kaliya u ahayn madadaalo, balse ay yihiin aalad xoog badan oo lagu muujiyo xanuunka taariikhda, lagu kiciyo dareenka bulshada, laguna hogaamiyo doodo qoto dheer. (Hotel Rwanda: The hutu arrive scene) Filimada aan daawanno ma ahan oo kaliya sheekooyin, ama madadaalo, waa aalad dib u qaabayn karta aragtideenna, waxay furi karaan indhahayaga, waxayna xitaa beddeli karaan sida aan u fahamno dunida nagu xeeran. Hotel Rwanda (2004): oo la sameeyay 10 sano kadib xasuuqii foosha xumaa ee Rwanda ka dhacay ayaa ah Markhaati Taariikheed oo cid walbaa dib u daalacan karto.  Filimkaan  waxa uu xambaarsan yahay xusuus kharaar oo taariikhda ah. Wuxuu dib noogu celinayaa xasuuqii Rwanda ee 1994, wuxuuna ina tusayaa sida hal qof – Paul Rusesabagina – uu u noqday badbaa...
Read more

Talooyin ku anfici kara

Image
GACALO waxa aan kuu wadaa dhawr qodob oo ku anfici kara;  1. Nolosha adduunku waxa ay noqotay mid maslaxad ku dhisan. Xiriirada badankoodu waxa ay noqdeen kuwa dan ku dhisan haddii ay yihiin kuwa saaxaabtinimo, kuwa jacayl iyo kuwa qoysba. La how wax dadku kuugu soo hirtaan, sidoo kalana adigu ku dooro dadka kale hadba waxa ay kugu kordhinayaan.  2. Haddii aad ku jirta da’da qaan-gaadhnimada ama labaatanyeedaba waxa aad haysataa fursad wayn. Fursad ay fududahay in ay si fudud ku gu dhaafto adiga oo aan ka faa’iidaysan. Ka lahow nolosha qorshe cad, si’aadan hadhow u wareerin. Baro xirfad, kaa caawinaysa in aad nolosha horay ugu socoto. 3. Ka gudub xayn daabka maxay dadka kale iga aaminayaan. Anigaa kuu sheegaya, wax macno ah kuma fadhido waxa ay dadka kale kaa aamini doonaan. Cidina kuma xasuusnaan doonto, marna ha isaga dayn, qorshe aad lahayd, shaqo aad bilaabi lahayd ama qof aad dooran lahayd dadku sida ay kuu arki doonaan.  4. Marna hadde waa marna ha ka baqin in aad h...
Read more