Fadumo Alimaad

Ka kac fadhiga, soo noolee riyooyinkaaga, istaag oo u istaag hanashada hankaaga. Soo ma aad arag wax walbaa waa macquul, shalay gabadh baa ku guulaysatay in ay ka mid noqoto guddoonka sare ee baarlamaanka berri waxaa macquul ah in aad adiguba madaxwayne noqoto.  Qub hadaladooda niyadjabka leh,  ka daahiri nafta nacaybka iyo naxliga ay ku badeen. Cadar isku shub ka qubayso urta basasha iyo saliidda dabadeedna u fakar waxa aad doonayso in aad noqoto maskaxdana ku hay in gabdhaada, gabadhayda iyo gabdhahooda masiirkooduba adiga ku sugayo.  Haddii aad hooyo noqotay, haddii aad ka daahday waxbarashada iyo haddiii isaga jacaylkiisuba shaki kaa galinayo sida aad u ekaan doonto berrito fadlan naftaada dooro, wixii aad rabtay in aad 25jir ku xaqiijisid weli 40 ama 50 kaad doonto ayaad ku noqon doontaa.  Ka kac fadhiga, baro xirfad cusub, luuqad cusub ama boorka ka jaf riyadaadii yaraantii Fadlan wax uun xaqiiji kuguma filna in aad dhimatid adiga oo noolaaday kaliy...

QOF AAMUSAN JACAYLKII! Ka sug hadalka habeen iyo maalin dabadeed seexo adiga oo aan jumlo ka helin. Hakaa daawado indhaha marwalba oo aad kulantaan isaga oo aan eray ku oran. Hakuu qoslo marwalba oo aad kaftan sheegto isaga oo aan xaraf kuugu baddalin. Kaga hormar jacaylka oo u sheego, dabadeed eray kooban ha kuugu sheego inuu isba kuu ildaran yahay. Dabadeed noqo adigu cidda jacaylka hogaamisa. Ku wareer oo kala garan waa in uu weli ku jecel yahay iyo inkale.  Ka farxi oo u furfur badaha sheekooyinka ah ee kuu kaydsan, dareen dabadeed in aad ku dawakhayso ag fadhiga qof aan kula fahmayn hadalka. Kumanaan jeer u sheeg in uusan kaa xishoon, in aad jeceshahay una baahantahay la sheekaysigiisa dabadeed ha kuugu laab qaboojiyo "Ag joogaygu miyuuna kugu filnayn gacalo?" Dib isugu laabo oo adigu iska shaki, ka shaki war badnidaada iyo sababta aad adigu u hadal badan tahay. Naftaada kula dagaal sababta aad isaga oo kale u noqon la'dahay. Nac oo ka darug cid walba oo ...

MA AHAYN! Ma ahayn in aan isku buuqno, isku xanaaqno kadibna kala dheeraanno. Hadda waxa aynu joognaa ka fog meeshii aan horay kasoo bilawnay. Waxa aan kala fogaannay maylal haddii aynu socod soo jihaysanno, nafteennu ku daalayso, kuna dhammaanayso jidka annaga oo aan isa soo gaarin.  Ma ahayn in aan is jeclaanno, isu samirno kadibna dadaalkii ka dhigno hal bacaad lagu lisay. Hadda waxa aynu ka dambaysiinnay wax walba oo qurux lahaa, xumaan aysan badaha iyo wabiyada oo idili awoodin in ay tirtiraan.  Ma ahayn in aan kala fogaanno, is nacno kadibna xiisaha iyo hilawgu laabteenna gubo. Hadda laabaheennii waa ay wasakhoobeen, qalbigii xalnaa wuu daxalaystay, si kasta oo cadar iyo barafuun loogu shubo nafta lagama tiri karo urtii gubashada kasoo raacday kala tageennii. Ma ahayn in aan xasuus qurux badan kaydsanno, qosolno, faraxno, kadibna wax walba oo qurxoonaa ku sagootinno sawirro mugdi ah, hadallo cay iyo xanaaq ah, hadda wax walba oo dhacay kadib waa mustaxiil in ...

Jawigu waa iska dagganaa maanta, halkii aan ku suxuurtay ayaan wali jiifay. Kol aan albaabka gaadhay waxa aan arkay cirka oo daruura leh, di'itaanna diyaar u ah, balse ilaa hadda hal dhibici tifiq kama soo odhan dhulka. Ma aqaanno in la xaday ama uu ahaa mid la xoogay oo marriin ah. Sideedaba wax aan gabbal dhaca ahayn ma daneeyo mana eego. Waaberigu macna ii ma leh, xataa hadduu ii yeelan lahaa ma ba soo jeedo.  Samada iyo dhanka kore kuma fooggani, waxa ugu sarreeya ee aan milicsadaa waa nalka qolkayga qasan oo kaliya. Inaan sii jiifo ayaan doonayay haddii aanan xasuusan lahayn imaanshaha yartii luqunta cabaadhyaha ku lahayd iyo soo dagisteeda maanta.  Markiiba inta aan sarwaal iyo shaadh buluug ah oo aan shalay subaxdii huudhaydhka ka soo gatay feeraystay ayaan baxay. Waddada intii aan sii hayay ayay soo gashay, durba waxa aan jiidhay dadkii sugayay dadkooda oo idil. Gagada dayuuraduha ee Garaad Wiil-Walaal galabta afka ayuu joogaa, dad ayaa dhinac walba ceegaag...

Waa galab, waxa ay diyaaraddu soo caga dhiganaysaa magaaladaada. Waxa aan qabaa gambo madow, cambuur cad iyo kabo saandal ah. Waxa aan qummaati ugu soo socdaa dhankaaga. Gacanta midig waxa aan ku riixayaa boorsadii dharkaygu ku jireen. Waan xalliyay in cid kale iga soo doonto ayraboorka. Adiga oo kaliya ayaa igu sugaya gudaha, waxa aniga wadnahayga walwalka ku beeray ee aan la jaraynayo waa in aan ka baqayo in aragtideenna koowaadi ka hoos marto sidii aan sawirannay.  Adigu waxa aad qabtaa shaar cad iyo surweel madow. Haaa oo ma jeclid dharka cad cad aniga dartay ayaadse usoo xiratay. anaa kaa codsaday in xasuusta aragtideenna koowaadi ay sidaa noqoto oo aan maryahaan kugu xasuusto. Waxa aad taagan tahay dhex bartanka hall ka dadka imaanaya lagu sugo. Muqdisho waa ay kulushahay. Xoogaa waxa aad isku dayaysaa in aad qariso in aad baqsan tahay. Waxa aad shaki wayn ka qabtaa in sidii aan isaga helnay annaga oo aan kulmin ay wax iska baddalaan marka aynu kulanno.  Waxa...