5/20





CAQLİYADDA DUMARKU WAY KU DHALEEN.


Dumarku ma waxa ay xurmo ku mutaysanayaan in ay ku dhaleen, mise waa bini'aadam xurmo mudan hadduu wax dhalay iyo haddii kale ba?

Haddii xurmaynta dumarku ku xiran tahay hooyo nimada kuwa aan weli guursan ayaga maxaa lagu xurmaynaaa? - Haa. Way kula dhasheen ayaa la oranayaa. - Haye wiilka aysan gabadhi la dhalan isaga qalbigiisa maxaa lagu jilcinayaa?.

Waxaa wax iska caadi ah bulshadeenna dhexdeeda ka ah, haddii wiil iyo gabadh carruur ahi is dagaalaan halkii gabadha khaladkeeda la tusi lahaa, wiilkana sidoo kale loo sheegi lahaa in uu dagaalamo in ay khalad tahay ayaa afarta dhinac habro dhoobani waxa ay ku qaylinayaan "Alla wuu ceeboobay, gabadh buu gacan u qaaday. Waryaa ma waysan gabadhi kula dhalan?." İlmo 10 jir ahi sidee ayuu iskugu xirayaa xiriirka ka dhaxeeya gabadhaan uu la dagaalay iyo walaashiisa xaafadda joogta.

Gabdhihii ayaguna sidoo kale waxa ay la qabsadeen arrinkaas ah gabadh weeye iyo yaan la taaban. Anigu uma arko wax lagu farxo in inta la igu xad-gudbo gabadhnimadayda darteed la igu daayo halkii qofnimadayda haddii aan khaldanahay khaladkayga laygu saari lahaa, haddii layga khaldan yahayna xaqqayga la i siin lahaa aniga oo aan dhedignimadayda meesha la keenin.

Hadda oo qarnigii 21aad lagu jiro weli waxa aad si maalinle ah ula kulmaysaa gabdho uusan caqligooda ka korin dumar baa tahay in ay wax ku helaan. Waxa aad arkaysaa gabadh inta nin wax ma tare ah marinkiisa marisa halkii ay halkaas ka bixi lahayd la soo istaagaysa aniga oo dumar ah ayaa sidaas ku yeelay. Ma aaminsana in ay cid wax yeeli karto ayada oo dumar ah.

Macquul maaha in aad la kulanto gabadh la gu dhahayo naa wiilal miyayna kula dhalan maxaad wiilka ugu xad-gudbaysaa miyuusan Aabbe ku dhalin weligaa miyaad aragtay? Ma aadan arag sababta oo ah labku waa insaan iskii u jira oo aan qof kale ku tiirsanayn.

Adigu insaan iskii u jira ayaad tahay. Waxa aad xaq u leedahay in qofnimadaada lagugu ixtiraamo.
 Qofka dhihi doona waxa aad xurmo ku leedahay hooyo nimadana isaga ayaa ka xun qofka kugu xad-gudbay.

Adiguna wiilow hooyadaa iyo walaashaa awgood ixtiraam cidina kaagama rabto ee waxa aad ku khasbantahay in aad dumarka xurmayso adiga oo aan hooyadaa waxba lagaaga sasaban.

Comments

  1. MohkadirJanuary 21, 2022 at 5:28 PM

    Xaqiiq. Lkn... Si aad fikirkan somalida oo kaliya uga badasho waxad ubaahantahay halgan adag iyo kun sanadood.

    ReplyDelete

Post a Comment

Popular posts from this blog

QORRAX MADOOBAAD

Image
Qorraxdii baa madoobaatay dhulkii baa mugdiyoobay. Qof walbaa waxa uu u cararay wixii uu aaminsanaa. Kii muslin ahaa, aayado quraan ah iyo salaad buu tawakulay. kii kiristan ahaana kaniisadda ayuu miciin biday. Hooyadii ilmaheeda dhallaanka ah dhabta ku haysatay waxa ay gargaar bidday duco ay afka ku boobtay. Wax walbaa waxa ay galeen xaalad hubanti la’aan ah marka la ga reebo xaalka Magan.  Waxa uu si qummaati ah u cabbayaa koobkiisa qaxwaha ah. Dadkii agagaarkiisa joogay waa ay kala cararayaan, isaga oo aan kala jeclayn in dunidu hadda dhammaato iyo in ay sii jirto ayuu xabbad sigaar ah jeebka kala soo baxayaa. “Tolow haddii hadda koonka la laabo ka warran?” Ayuu isa su’aalayaa. Isla isaga ayaa isu jawaabaya. “Oo maxaa iga dhex yaalla oo aan labadaydaas calal ee aan huwanahay ahayn?” “Miyaadan aakhiro ka baqayn, nin u shaqaystayna kuguma ogiye?” “Waxa aan ogahay in aysan xaalka aan maanta ku jiro marna ka xumaanayn.”  Sharqartii ayaa kala yaraatay, isaga iyo kursigii caagga ...
Read more

Awoodda filimada: iyo Sida ay u qaabeeyaan Bulshada.

Image
Filimadu waa sida muraayad oo kale, waxa ay ina tusaan xaqiiqooyin aad u xanuun badan, kuwaas oo laga yaabo in aan jeclaan lahayn in aan iska indho-tirno. Muuqaalkaan aan wada daawannay wuxuu xasuusin u yahay sida filimadu aysan kaliya u ahayn madadaalo, balse ay yihiin aalad xoog badan oo lagu muujiyo xanuunka taariikhda, lagu kiciyo dareenka bulshada, laguna hogaamiyo doodo qoto dheer. (Hotel Rwanda: The hutu arrive scene) Filimada aan daawanno ma ahan oo kaliya sheekooyin, ama madadaalo, waa aalad dib u qaabayn karta aragtideenna, waxay furi karaan indhahayaga, waxayna xitaa beddeli karaan sida aan u fahamno dunida nagu xeeran. Hotel Rwanda (2004): oo la sameeyay 10 sano kadib xasuuqii foosha xumaa ee Rwanda ka dhacay ayaa ah Markhaati Taariikheed oo cid walbaa dib u daalacan karto.  Filimkaan  waxa uu xambaarsan yahay xusuus kharaar oo taariikhda ah. Wuxuu dib noogu celinayaa xasuuqii Rwanda ee 1994, wuxuuna ina tusayaa sida hal qof – Paul Rusesabagina – uu u noqday badbaa...
Read more

Talooyin ku anfici kara

Image
GACALO waxa aan kuu wadaa dhawr qodob oo ku anfici kara;  1. Nolosha adduunku waxa ay noqotay mid maslaxad ku dhisan. Xiriirada badankoodu waxa ay noqdeen kuwa dan ku dhisan haddii ay yihiin kuwa saaxaabtinimo, kuwa jacayl iyo kuwa qoysba. La how wax dadku kuugu soo hirtaan, sidoo kalana adigu ku dooro dadka kale hadba waxa ay kugu kordhinayaan.  2. Haddii aad ku jirta da’da qaan-gaadhnimada ama labaatanyeedaba waxa aad haysataa fursad wayn. Fursad ay fududahay in ay si fudud ku gu dhaafto adiga oo aan ka faa’iidaysan. Ka lahow nolosha qorshe cad, si’aadan hadhow u wareerin. Baro xirfad, kaa caawinaysa in aad nolosha horay ugu socoto. 3. Ka gudub xayn daabka maxay dadka kale iga aaminayaan. Anigaa kuu sheegaya, wax macno ah kuma fadhido waxa ay dadka kale kaa aamini doonaan. Cidina kuma xasuusnaan doonto, marna ha isaga dayn, qorshe aad lahayd, shaqo aad bilaabi lahayd ama qof aad dooran lahayd dadku sida ay kuu arki doonaan.  4. Marna hadde waa marna ha ka baqin in aad h...
Read more