MİYAAN KU KHAL-KHAL GELİNAYAA?





MİYAAN KU KHAL-KHAL GELİNAYAA?!

Haddii aan caqligayga adeegsado haddii aan hibadayda soo bandhigo, haddii aan ku tuso in aanan u uumanayn in aan adiga kaa hooseeyo ee aan anigu ahay cidda muhiimka ugu wayn u ah dunidaan aan ku kor noolnahay miyaan ku khal-khal gelinayaa?!

Miyaan ku khal-khalgelinayaa haddii aanan quruxdayda keliya soo bandhigine caqligaygana aan miiska keeno, miyaad u muuqanaysaa mid aan muhiim ahayn haddii aan ku tuso baahida keli ah ee aan kuu qabaa in ay tahay tan ka dhaxaysa rag iyo dumar aadamaha oo dhan. 

Miyaad xishoonaysaa haddii aan cashadeenna koowaad anigu bixiyo biilka, miyaad khal-khal dareemaysaa haddii aan kuu sheego in aan ahay anigu naag isku filan, naag mar hore garatay jiritaankeeda iyo macnaha ay ku fadhido.

Miyay adag tahay in aad iska illowdo hadalkii hooyadaa ee ahaa "Waa naag, ayada halka booskeedu yahay waa jikada." miyay sidaan oo dhan u tahay wax aan la aqbali karin in gabdhaha casrigaani yihiin kuwa keli ah ee awooda qabashada howl walba ayaga oo aan caawimaad helin. 


Miyaad cabsi dareemaysaa haddii xaaskaagu awooddo in ay kafaale qaaddo nolosha carruurteeda, miyaad u malaynaysaa in booskaagii ninnimo daciif ku yimid, adiga oo si fudud ugu noolaan kara noloshaas isku dheelli tiran?!

Miyaad doonaysaa in aad waddo dood aan guul laga gaarayn, miyaysan middaas ka fududayn in aad aqbasho xaqiiqada ah in bulshadu aysan horumar gaari karin ayada oo midkeed hooseeyo?!

Comments

  1. UnknownDecember 4, 2021 at 7:18 PM

    Waan jecelahay Gabadh Is Kharash Garaynaysa Inaan Guursado wayna Fiican yihiin HablaHa Sidan Oo Kale Ah ❤️👸

    ReplyDelete

Post a Comment

Popular posts from this blog

QORRAX MADOOBAAD

Image
Qorraxdii baa madoobaatay dhulkii baa mugdiyoobay. Qof walbaa waxa uu u cararay wixii uu aaminsanaa. Kii muslin ahaa, aayado quraan ah iyo salaad buu tawakulay. kii kiristan ahaana kaniisadda ayuu miciin biday. Hooyadii ilmaheeda dhallaanka ah dhabta ku haysatay waxa ay gargaar bidday duco ay afka ku boobtay. Wax walbaa waxa ay galeen xaalad hubanti la’aan ah marka la ga reebo xaalka Magan.  Waxa uu si qummaati ah u cabbayaa koobkiisa qaxwaha ah. Dadkii agagaarkiisa joogay waa ay kala cararayaan, isaga oo aan kala jeclayn in dunidu hadda dhammaato iyo in ay sii jirto ayuu xabbad sigaar ah jeebka kala soo baxayaa. “Tolow haddii hadda koonka la laabo ka warran?” Ayuu isa su’aalayaa. Isla isaga ayaa isu jawaabaya. “Oo maxaa iga dhex yaalla oo aan labadaydaas calal ee aan huwanahay ahayn?” “Miyaadan aakhiro ka baqayn, nin u shaqaystayna kuguma ogiye?” “Waxa aan ogahay in aysan xaalka aan maanta ku jiro marna ka xumaanayn.”  Sharqartii ayaa kala yaraatay, isaga iyo kursigii caagga ...
Read more

Awoodda filimada: iyo Sida ay u qaabeeyaan Bulshada.

Image
Filimadu waa sida muraayad oo kale, waxa ay ina tusaan xaqiiqooyin aad u xanuun badan, kuwaas oo laga yaabo in aan jeclaan lahayn in aan iska indho-tirno. Muuqaalkaan aan wada daawannay wuxuu xasuusin u yahay sida filimadu aysan kaliya u ahayn madadaalo, balse ay yihiin aalad xoog badan oo lagu muujiyo xanuunka taariikhda, lagu kiciyo dareenka bulshada, laguna hogaamiyo doodo qoto dheer. (Hotel Rwanda: The hutu arrive scene) Filimada aan daawanno ma ahan oo kaliya sheekooyin, ama madadaalo, waa aalad dib u qaabayn karta aragtideenna, waxay furi karaan indhahayaga, waxayna xitaa beddeli karaan sida aan u fahamno dunida nagu xeeran. Hotel Rwanda (2004): oo la sameeyay 10 sano kadib xasuuqii foosha xumaa ee Rwanda ka dhacay ayaa ah Markhaati Taariikheed oo cid walbaa dib u daalacan karto.  Filimkaan  waxa uu xambaarsan yahay xusuus kharaar oo taariikhda ah. Wuxuu dib noogu celinayaa xasuuqii Rwanda ee 1994, wuxuuna ina tusayaa sida hal qof – Paul Rusesabagina – uu u noqday badbaa...
Read more

Talooyin ku anfici kara

Image
GACALO waxa aan kuu wadaa dhawr qodob oo ku anfici kara;  1. Nolosha adduunku waxa ay noqotay mid maslaxad ku dhisan. Xiriirada badankoodu waxa ay noqdeen kuwa dan ku dhisan haddii ay yihiin kuwa saaxaabtinimo, kuwa jacayl iyo kuwa qoysba. La how wax dadku kuugu soo hirtaan, sidoo kalana adigu ku dooro dadka kale hadba waxa ay kugu kordhinayaan.  2. Haddii aad ku jirta da’da qaan-gaadhnimada ama labaatanyeedaba waxa aad haysataa fursad wayn. Fursad ay fududahay in ay si fudud ku gu dhaafto adiga oo aan ka faa’iidaysan. Ka lahow nolosha qorshe cad, si’aadan hadhow u wareerin. Baro xirfad, kaa caawinaysa in aad nolosha horay ugu socoto. 3. Ka gudub xayn daabka maxay dadka kale iga aaminayaan. Anigaa kuu sheegaya, wax macno ah kuma fadhido waxa ay dadka kale kaa aamini doonaan. Cidina kuma xasuusnaan doonto, marna ha isaga dayn, qorshe aad lahayd, shaqo aad bilaabi lahayd ama qof aad dooran lahayd dadku sida ay kuu arki doonaan.  4. Marna hadde waa marna ha ka baqin in aad h...
Read more